La Ligada yozgi transfer oynasi yopilishiga hali vaqt bor, ammo asosiy tendensiya allaqachon ko‘zga tashlanmoqda.

«Barselona», «Real» va «Atletiko» o‘zlarining moliyaviy voqeligida yashamoqda: uchta grandning har biri 100 million yevrodan ortiq pul sarfladi. Qolgan 17 ta jamoa esa birgalikda hatto ushbu summaga ham yeta olishmadi.

Eng qimmat yozgi xaridlar reytingida ham chempionat grandlarining transferlari ustunlik qilmoqda: top-10 talikda faqat oxirgi ikki o‘rinni «Betis» va «Deportivo»ning yangi a’zolari — Fakundo Bernal hamda Leo Roman egalladi.

Ispaniyada birinchi o‘rinni Entoni Gordon egalladi, uning uchun «Barsa» 80 million yevro to‘ladi. Angliyalik futbolchining o‘tishi shu yozda dunyodagi eng qimmat transferlardan biriga aylandi — shu bilan birga, bu kamdan-kam uchraydigan istisno bo‘ldi.