«Атлетико» ҳужумчиси Хулиан Альварес «Барселона»га ўтишга тобора яқинлашмоқда. Каталонияликлар янги ҳужумчи сотиб олиш учун энг мақбул вариантни излашмоқда.

Ҳозирда «кўк-анорранглилар» Альварес бўйича келишувга ўз футболчиси Ферран Торресни қўшишни таклиф қилишмоқда. «Атлетико» ушбу вариантга қизиқиш билдирди ва потенциал янги футболчининг имкониятларини фаол равишда ўрганмоқда. Бу ҳақда Cadena SER нашри хабар берди.

Қайд этилишича, «Барселона» ҳужум чизиғида Ламин Ямал, Рафинья ва Хулиан Альваресдан иборат юлдузли учликни ташкил қилмоқчи. «Атлетико»нинг аргентиналик аъзоси марказий ҳужумчи позицияси учун асосий номзод ҳисобланади.