«Atletiko» hujumchisi Xulian Alvares «Barselona»ga o‘tishga tobora yaqinlashmoqda. Kataloniyaliklar yangi hujumchi sotib olish uchun eng maqbul variantni izlashmoqda.

Hozirda «ko‘k-anorranglilar» Alvares bo‘yicha kelishuvga o‘z futbolchisi Ferran Torresni qo‘shishni taklif qilishmoqda. «Atletiko» ushbu variantga qiziqish bildirdi va potensial yangi futbolchining imkoniyatlarini faol ravishda o‘rganmoqda. Bu haqda Cadena SER nashri xabar berdi.

Qayd etilishicha, «Barselona» hujum chizig‘ida Lamin Yamal, Rafinya va Xulian Alvaresdan iborat yulduzli uchlikni tashkil qilmoqchi. «Atletiko»ning argentinalik a’zosi markaziy hujumchi pozisiyasi uchun asosiy nomzod hisoblanadi.