Италия терма жамоаси пайшанба куни Шимолий Ирландияга қарши бўлиб ўтадиган Жаҳон чемпионати саралашининг ярим финал босқичига тайёргарлик кўрмоқда.
La Gazzetta dello Sport нашрининг хабар беришича, «Интер» ҳужумчиси Франческо Пио Эспозито «адзуррилар» ҳужум чизиғида асосий таркибдан жой олишга даъвогарлик қилмоқда.
20 ёшли футболчи «нерадзуррилар» сафида ўзининг энг порлоқ мавсумини ўтказмоқда ва ҳозиргача ўз ҳисобига 9 та гол ҳамда 6 та голли узатмани ёздириб қўйишга улгурди.
Энди у Женнаро Гаттузо бошчилигидаги жамоада ўз маҳоратини кўрсатиш ва Италияга Жаҳон чемпионати йўлланмасини қўлга киритишда ёрдам беришни мақсад қилган.
Агар Италия пайшанба оқшомида ғалаба қозонса, плей-офф финалида Уэльс ҳамда Босния ва Герцеговина ўртасидаги баҳс ғолиби билан тўқнаш келади.
