Italiya terma jamoasi payshanba kuni Shimoliy Irlandiyaga qarshi bo‘lib o‘tadigan Jahon chempionati saralashining yarim final bosqichiga tayyorgarlik ko‘rmoqda.
La Gazzetta dello Sport nashrining xabar berishicha, «Inter» hujumchisi Franchesko Pio Espozito «adzurrilar» hujum chizig‘ida asosiy tarkibdan joy olishga da’vogarlik qilmoqda.
20 yoshli futbolchi «neradzurrilar» safida o‘zining eng porloq mavsumini o‘tkazmoqda va hozirgacha o‘z hisobiga 9 ta gol hamda 6 ta golli uzatmani yozdirib qo‘yishga ulgurdi.
Endi u Jennaro Gattuzo boshchiligidagi jamoada o‘z mahoratini ko‘rsatish va Italiyaga Jahon chempionati yo‘llanmasini qo‘lga kiritishda yordam berishni maqsad qilgan.
Agar Italiya payshanba oqshomida g‘alaba qozonsa, pley-off finalida Uels hamda Bosniya va Gersegovina o‘rtasidagi bahs g‘olibi bilan to‘qnash keladi.
