«Челси»нинг собиқ футболчиси Жо Коул «кўклар»га «Тоттенхэм» ҳимоячиси Микки ван де Венни сотиб олишни маслаҳат берди.

«Менимча, у кетмоқчи ва у «Челси» учун ажойиб харид бўлган бўларди. Жамоа юқори ҳимоя чизиғида ўйнашни истайди, бунинг учун эса яккама-якка курашларда яхши ҳаракат қиладиган тезкор ҳимоячи керак. Бу борада ван де Вен шунчаки ажойиб», — дея Коулнинг сўзларидан иқтибос келтирмоқда Metro Sport.

Микки ван де Вен 2023 йилда «Вольфсбург»дан «Тоттенхэм»га 40 миллион евро эвазига ўтган эди. Унинг Лондон клуби билан шартномаси 2029 йилнинг 30 июнигача амал қилади. Жорий мавсумда ҳимоячи «шпорлар» сафида барча турнирларда 38 та ўйинда майдонга тушиб, 7 та гол урди ва битта голли узатмани амалга оширди.