«Арсенал» Премьер-лиганинг жорий мавсумида очиқ ўйиндан яратилган хавфли голли вазиятлар сони бўйича кучли бешликка кира олмади.

«Канонирлар» чемпионат доирасида стандарт вазиятларни ҳисобга олмаганда 51 та «катта» имконият яратишган — бу фақат олтинчи натижадир, деб қайд этмоқда Squawka. Ушбу кўрсаткич бўйича биринчи ўринни «Манчестер Сити» (69) эгаллаб турибди, кейинги ўринларда «Челси» ва «Брентфорд» (61 тадан), сўнгра «Ливерпуль» (56) ва «Манчестер Юнайтед» (53) бормоқда.

Титул учун даъвогар жамоа мезонлари бўйича ҳужумда у қадар ёрқин ўйин кўрсатмаётганига қарамай, «Арсенал» АПЛ турнир жадвалида ишонч билан пешқадамлик қилмоқда. Улар «Манчестер Сити»дан тўққиз очко олдинда, бироқ «шаҳарликлар» захирасида битта ўйин бор.