Ҳужумкор ярим ҳимоячи Хвича Кварацхелия Грузия терма жамоаси сардори бўлади. Бу ҳақда жамоа қароргоҳидан хабар берилди.
Сўнгги йилларда грузияликлар терма жамоасида тажрибали Гурам Кашия сардорлик қилиб келаётган эди. Куни кеча у халқаро фаолиятини якунлашини эълон қилди. Июнь ойида 38 ёшли Кашия «салибчилар» сафида ўзининг хайрлашув учрашувини ўтказади.
Март ойида Грузия терма жамоаси иккита ўртоқлик учрашувида майдонга тушади — рақиблар Исроил ва Литва жамоалари бўлади.
Клуб миқёсида Хвича Кварацхелия Франциянинг «ПСЖ» жамоаси шарафини ҳимоя қилмоқда. 2025/2026 йилги мавсумда грузиялик футболчи 37 та ўйинда майдонга тушиб, ўз ҳисобига 12 та гол ва 7 та голли узатмани ёздириб қўйди.













