Лондоннинг «Арсенал» клуби ҳимоячиси Рикардо Калафьорининг ўз ватанига қайтиши билан боғлиқ хабарлар тарқалишда давом этмоқда.

Яқинда Миланнинг «Интер» клуби италиялик футболчига қизиқиш билдираётгани ҳақида маълумотлар пайдо бўлди. Football Insider нашрининг хабар беришича, «канонирлар» раҳбарияти келаётган ёзда Калафьори бўйича тушадиган таклифларни кўриб чиқишни режалаштирмаяпти.

«Интер» 23 ёшли футболчини ўзларининг асосий мақсадларидан бири сифатида белгилаган, бироқ «Арсенал» ҳам ўйинчига ишонч билдирмоқда ва яқин келажакда уни сотиш ниятида эмас. Transfermarkt портали экспертларининг талқинига кўра, «Болонья»нинг собиқ юлдузининг тахминий баҳоси 50 миллион еврони ташкил этади.