Бугун, 25 март куни пойтахтимиздаги Миллий футбол маркази майдонида Ўзбекистон ҳамда Япония ёшлар терма жамоалари (U-20) ўртасида ўртоқлик учрашуви бўлиб ўтди. Қизиқарли ва курашларга бой кечган баҳсда вакилларимиз кичик ҳисобда мағлубиятга учрашди.

Учрашув кутилганидек тенг курашлар остида бошланди. Бироқ меҳмонлар ўз имкониятларидан самаралироқ фойдаланишди. Баҳснинг 31-дақиқасида японлар томонидан киритилган ягона гол якунда учрашув тақдирини ҳал қилди. Иккинчи бўлимда вакилларимиз мувозанатни тиклаш учун қанчалик ҳаракат қилишмасин, «кунчиқар юрт» вакиллари мустаҳкам ҳимояланиб, ғалабани сақлаб қолишди.

ЎЗБЕКИСТОН (U-20) — ЯПОНИЯ (U-20) — 0:1
Гол: 0:1 — 31.

Ўзбекистон U-20: 1. Шокиров, 3. Одилжонов, 4. Мусахонов, 5. Тўлқинбеков (С), 7. Абраев, 11. Маратов, 14. Абдусатторов, 15. Эрманов, 17. Саидалиев, 19. Дилшодбеков, 22. Тўлаганов.

Захира: Абуталипов, Солиев, Эркинов, Бобомуродов, Сарсенбаев, Жумадиллаев, Тажиев, Эрманов, Абдуғаниев, Хасанов, Юсупхонов.