Бразилия терма жамоаси бош мураббийи Карло Анчелотти жамоани ёзда бўлиб ўтадиган Жаҳон чемпионатига тайёрламоқда. Globo Esporte нашрининг хабар беришича, италиялик мутахассис ҳужумчи Винисиус Жуниорга катта умид боғламоқда.
Манбага кўра, Анчелотти Бразилия терма жамоасининг ўз талқинини айнан Винисиус атрофида қуришни истамоқда.
Аввалроқ Карло Анчелотти «Реал»да Винисиус Жуниор билан бирга ишлаган ва уларнинг муносабатлари жуда яхши бўлган.
Бразилия терма жамоаси ЖЧ-2026 гуруҳ босқичида Марокаш, Гаити ва Шотландияга қарши баҳс олиб боради. «Селесао» охирги марта мундиалда анча олдин — 2002 йилда ғолиб чиққан эди.
