Braziliya terma jamoasi bosh murabbiyi Karlo Anchelotti jamoani yozda bo‘lib o‘tadigan Jahon chempionatiga tayyorlamoqda. Globo Esporte nashrining xabar berishicha, italiyalik mutaxassis hujumchi Vinisius Juniorga katta umid bog‘lamoqda.
Manbaga ko‘ra, Anchelotti Braziliya terma jamoasining o‘z talqinini aynan Vinisius atrofida qurishni istamoqda.
Avvalroq Karlo Anchelotti «Real»da Vinisius Junior bilan birga ishlagan va ularning munosabatlari juda yaxshi bo‘lgan.
Braziliya terma jamoasi JCH-2026 guruh bosqichida Marokash, Gaiti va Shotlandiyaga qarshi bahs olib boradi. «Selesao» oxirgi marta mundialda ancha oldin — 2002 yilda g‘olib chiqqan edi.
