Миланнинг «Интер» клуби ярим ҳимоячиси Хакан Чалханўғли яна «Галатасарой»нинг трансфер нишонига айланди.

Туркия гранди ўтган ёзда ҳам «нерадзуррилар» футболчисини ўз сафига қўшиб олишга уринган эди, бироқ келишув амалга ошмаган. FcInterNews маълумотларига кўра, келаётган мавсумлараро танаффусда «Галатасарой» яна бир бор Чалханўғли билан шартнома имзолашга ҳаракат қилади. Аммо буни амалга ошириш осон бўлмайди: Истанбул клуби хавбек учун тахминан 8-10 миллион евро таклиф қилишга тайёр, «Интер» эса 15-20 миллион евро талаб қилмоқда ва ён бериш ниятида эмас.

Шунингдек, тез орада Милан клуби раҳбарияти 32 ёшли футболчи билан шартномани узайтириш имкониятини муҳокама қилиш учун учрашиши маълум. Туркиялик футболчининг ўзи эса ҳали келажаги борасида бир қарорга келмаган.