Milanning «Inter» klubi yarim himoyachisi Xakan Chalxano‘g‘li yana «Galatasaroy»ning transfer nishoniga aylandi.
Turkiya grandi o‘tgan yozda ham «neradzurrilar» futbolchisini o‘z safiga qo‘shib olishga uringan edi, biroq kelishuv amalga oshmagan. FcInterNews ma’lumotlariga ko‘ra, kelayotgan mavsumlararo tanaffusda «Galatasaroy» yana bir bor Chalxano‘g‘li bilan shartnoma imzolashga harakat qiladi. Ammo buni amalga oshirish oson bo‘lmaydi: Istanbul klubi xavbek uchun taxminan 8-10 million yevro taklif qilishga tayyor, «Inter» esa 15-20 million yevro talab qilmoqda va yon berish niyatida emas.
Shuningdek, tez orada Milan klubi rahbariyati 32 yoshli futbolchi bilan shartnomani uzaytirish imkoniyatini muhokama qilish uchun uchrashishi ma’lum. Turkiyalik futbolchining o‘zi esa hali kelajagi borasida bir qarorga kelmagan.
