Келгуси ойда «Бавария» ва «Реал» жамоалари Чемпионлар лигасининг 1/4 финал босқичида ўзаро тўқнаш келишади. Мадридликлар ҳимоячиси Антонио Рюдигер майдонда Харри Кейнга қарши ўйнаш ҳақида ўз фикрларини билдирди.
«Мен учун Кейн шубҳасиз дунёнинг энг кучли учта марказий ҳужумчиси қаторига киради. Унинг барқарорлиги — шунчаки жаҳон даражасида. Агар 180 дақиқа давомида бунинг иложи бўлса, биз Кейнни фақат жамоавий тарзда зарарсизлантиришимиз мумкин», — дея Рюдигернинг сўзларини келтиради The Touchline нашри.
Чемпионлар лигаси 1/4 финали доирасидаги «Реал» ва «Бавария» ўртасидаги дастлабки ўйин 7 апрель куни Мадридда бўлиб ўтади. Жавоб учрашуви эса саккиз кундан кейин — 15 апрелда Мюнхенда ўтказилади.
