Kelgusi oyda «Bavariya» va «Real» jamoalari Chempionlar ligasining 1/4 final bosqichida o‘zaro to‘qnash kelishadi. Madridliklar himoyachisi Antonio Ryudiger maydonda Xarri Keynga qarshi o‘ynash haqida o‘z fikrlarini bildirdi.
«Men uchun Keyn shubhasiz dunyoning eng kuchli uchta markaziy hujumchisi qatoriga kiradi. Uning barqarorligi — shunchaki jahon darajasida. Agar 180 daqiqa davomida buning iloji bo‘lsa, biz Keynni faqat jamoaviy tarzda zararsizlantirishimiz mumkin», — deya Ryudigerning so‘zlarini keltiradi The Touchline nashri.
Chempionlar ligasi 1/4 finali doirasidagi «Real» va «Bavariya» o‘rtasidagi dastlabki o‘yin 7 aprel kuni Madridda bo‘lib o‘tadi. Javob uchrashuvi esa sakkiz kundan keyin — 15 aprelda Myunxenda o‘tkaziladi.
