«Ливерпуль»нинг собиқ футболчиси Жейми Каррагер Юрген Клопп намойиш этган футбол унга жуда манзур бўлганини таъкидлади.
«Юрген Клоппнинг «Ливерпуль»даги футболи дунёдаги энг яхши футбол эди. У энг муваффақиятлиси бўлмагандир — бу борада Пеп Гвардиоланинг хизматлари катта — лекин Клоппнинг футболи энг ҳаяжонли ва жозибадор эди», — дея Каррагернинг сўзларини келтиради The Touchline нашри.
Юрген Клопп 2015–2024 йилларда «Ливерпуль»ни бошқарган. 2025 йил бошидан буён германиялик мутахассис «Ред Булл» футбол тизимида фаолият юритмоқда. Матбуотда вақти-вақти билан Клоппнинг номи Мадриднинг «Реал» клуби билан боғланмоқда.
Клопп кетганидан сўнг «Ливерпуль»ни Арне Слот бошқармоқда. Ҳозирда жамоа Премьер-лига турнир жадвалида бешинчи ўринни эгаллаб турибди.
