«Челси» вингери Алехандро Гарначо йўл ҳаракати қоидаларини бузгани учун жазоланди.
Ўтган йилнинг ёзида видеокузатув камераси Audi RS3 бошқарувида бўлган футболчи 40 миль/соат чеклов ўрнатилган ҳудудда 50 миль/соат тезликда ҳаракатланганини қайд этган. Ушбу ҳодиса 26 август куни — аргентиналик футболчининг «Манчестер Юнайтед»дан «Челси»га ўтишидан бир неча кун олдин содир бўлган.
Ливерпуль магистрат судида Гарначо ўз адвокатлари орқали тезликни оширганини тан олди ва узр сўради. Тинчлик судьяси Жейн Хейнс футболчига 660 фунт стерлинг миқдорида жарима солди ва 120 фунт суд харажатларини тўлаш мажбуриятини юклади. Шунингдек, футболчининг ҳайдовчилик гувоҳномасига учта жарима балли ёзилди.
