Франция терма жамоасининг собиқ ярим ҳимоячиси Эммануэль Пети Бразилияга қарши ўртоқлик учрашувидан (2:1) сўнг французлар ҳужумчиси Усмон Дембеленинг ўйинини танқид қилди.

«Усмон — «Олтин тўп» соҳиби, Чемпионлар лигаси ғолиби, аммо у шунчаки кўпчилик футболчилардан биридек таассурот қолдирмоқда», — деди Пети RMC Sport радиоси эфирида.

Бразилияликларга қарши баҳсда 28 ёшли француз битта голли узатмани амалга оширди. Умуман олганда, жорий мавсумда Дембеле клуб миқёсидаги 29 та ўйинда 12 та гол ва 8 та голли узатмани ўз ҳисобига ёздириб қўйган.