Fransiya terma jamoasining sobiq yarim himoyachisi Emmanuel Peti Braziliyaga qarshi o‘rtoqlik uchrashuvidan (2:1) so‘ng fransuzlar hujumchisi Usmon Dembelening o‘yinini tanqid qildi.
«Usmon — «Oltin to‘p» sohibi, Chempionlar ligasi g‘olibi, ammo u shunchaki ko‘pchilik futbolchilardan biridek taassurot qoldirmoqda», — dedi Peti RMC Sport radiosi efirida.
Braziliyaliklarga qarshi bahsda 28 yoshli fransuz bitta golli uzatmani amalga oshirdi. Umuman olganda, joriy mavsumda Dembele klub miqyosidagi 29 ta o‘yinda 12 ta gol va 8 ta golli uzatmani o‘z hisobiga yozdirib qo‘ygan.
