Италия терма жамоаси ярим ҳимоячиси Сандро Тонали ЖЧ–2026 саралашининг ярим финал босқичида Шимолий Ирландия устидан қозонилган ғалабадан (2:0) сўнг ўз фикрлари билан ўртоқлашди.
«Ушбу ўйинга тайёргарлик кўриш жараёнида биз ўтмишдаги «арвоҳлар» (қўрқувлар) билан юзма-юз келдик. Италия кетма-кет иккита жаҳон чемпионатини ўтказиб юборди. Бу ҳақда ўйламай иложимиз йўқ эди. Қўрқдик дея олмайман-у, лекин ўша мағлубиятлар гоҳида хотирамизда жонланиб турарди», — дея Тоналининг сўзларини келтиради УЕФА расмий сайти.
Плей-офф босқичининг финалида Италия терма жамоаси Босния ва Герцеговина билан тўқнаш келади. Ушбу ҳал қилувчи баҳс 31 март куни бўлиб ўтади.
