Italiya terma jamoasi yarim himoyachisi Sandro Tonali JCH–2026 saralashining yarim final bosqichida Shimoliy Irlandiya ustidan qozonilgan g‘alabadan (2:0) so‘ng o‘z fikrlari bilan o‘rtoqlashdi.
«Ushbu o‘yinga tayyorgarlik ko‘rish jarayonida biz o‘tmishdagi «arvohlar» (qo‘rquvlar) bilan yuzma-yuz keldik. Italiya ketma-ket ikkita jahon chempionatini o‘tkazib yubordi. Bu haqda o‘ylamay ilojimiz yo‘q edi. Qo‘rqdik deya olmayman-u, lekin o‘sha mag‘lubiyatlar gohida xotiramizda jonlanib turardi», — deya Tonalining so‘zlarini keltiradi UEFA rasmiy sayti.
Pley-off bosqichining finalida Italiya terma jamoasi Bosniya va Gersegovina bilan to‘qnash keladi. Ushbu hal qiluvchi bahs 31 mart kuni bo‘lib o‘tadi.
