«Ливерпуль»нинг собиқ мураббийи Юрген Клопп ҳужумчи Муҳаммад Салоҳнинг яқин орада жамоани тарк этиши ҳақидаги фикрлари билан ўртоқлашди.
Яқинда 33 ёшли мисрлик футболчи жорий мавсум якунида жамоадан кетишини эълон қилган эди.
«Салоҳ узоқ йиллар давомида энг маҳсулдор ўйинчилардан бири бўлиб келди ва бунинг ўзи ҳамма нарсани айтиб турибди. Унинг сўнгги ўйинида барчанинг юзида табассум бўлишини ҳамда «Ливерпуль» мухлислари ўз кўз ўнгида шундай ақл бовар қилмас фаолият кечганини англаб, бахтиёр бўлишларини жуда-жуда истайман», — дея 2015 йилдан 2024 йилгача «қизиллар»ни бошқарган Клоппнинг сўзларини келтиради The Anfield Wrap.
Муҳаммад Салоҳ «Ливерпуль» шарафини 2017 йилдан бери ҳимоя қилиб келаётган эди. Унинг шартномаси 2027 йилгача амал қилишига қарамай, ёзда у эркин агент сифатида қўйиб юборилади.
