«Пари Сен-Жермен» бош мураббийи Луис Энрике келаётган ёзда «Манчестер Юнайтед» постини эгалламайдиган бўлди.

Испаниялик мутахассис «ПСЖ»даги ҳолатидан мамнун ва клуб билан амалдаги шартномани узайтириш бўйича «ижобий» музокаралар олиб бормоқда, деб хабар беради UtdReport. «Қизил иблислар» 55 ёшли мутахассисни таклиф қилишга қизиқиш билдирган эди, бироқ яқин келажакда бу тайинловнинг иложи йўқлигига деярли иқрор бўлишди. Майкл Кэррикнинг ўрнини эгаллаши мумкин бўлган номзодлар рўйхатидан яна бир топ-мураббийнинг чиқиб кетиши, инглиз мутахассисининг мавсум якунланганидан кейин ҳам ўз лавозимида қолиш имкониятларини оширади.

Эслатиб ўтамиз, Кэррик январь ойида Рубен Аморимнинг ўрнини эгаллаб, «МЮ» вақтинчалик бош мураббийи лавозимига тайинланган эди.