«Барселона» ярим ҳимоячиси Дани Ольмо жамоадоши Ламин Ямал ҳақида ўз фикрлари билан ўртоқлашди.
«Ламинни ташқаридан кузатаётганларнинг барчаси унинг қанчалик ўсганини ва ўйин услуби ўзгарганини таъкидлашмоқда. Биз у билан фахрланамиз ва унинг юқори даражасидан, урган голлари ҳамда жамоамизга ғалаба қозонишда ёрдам бераётганидан доимо хурсандмиз», — дея Ольмонинг сўзларини келтиради BarçaTimes.
Жорий мавсумда 18 ёшли Ямаль барча мусобақаларни инобатга олган ҳолда 40 та учрашувда майдонга тушиб, 21 та гол урди ва 16 та голли узатмани амалга оширди.
