«Эвертон»нинг ҳужумкор ярим ҳимоячиси Илиман Ндиайе фаолиятини Англия Премьер-лигасининг янада нуфузлироқ клубида давом эттириши мумкин. Бу ҳақда Teamtalk журналистлари хабар бермоқда.
Манбанинг берган маълумотларига кўра, футболчининг трансферига «Ливерпуль» қизиқиш билдирмоқда. Мерсисайдликлар Илиманни келаётган ёзда жамоани тарк этадиган мисрлик Муҳаммад Салоҳга ўринбосар сифатида кўришмоқда.
Ндиайенинг бозор қиймати 50 миллион еврога баҳоланмоқда. Томонлар ўртасидаги амалдаги шартнома муддати 2029 йилнинг июнь ойи охирида тугайди.
АПЛнинг жорий мавсумида вингер 25 та ўйинда майдонга тушиб, 6 та гол урди ва 3 та голли узатмани амалга оширди.
