Украина терма жамоаси устози Сергей Ребров ЖЧ-2026 йўлланмаси учун кураш якунланганидан сўнг ўз келажаги ҳақида фикр билдирди.
«Яқин орада амалдаги шартномам муддати тугайди. Кейин нима бўлишини вақт кўрсатади. Ҳозирча янги таклиф олганим йўқ. Агар шундай таклиф тушса, албатта кўриб чиқаман», — деди бош мураббий матбуот анжумани вақтида.
Эслатиб ўтамиз, ЖЧ-2026 плей-офф босқичининг ярим финалида Украина терма жамоаси Швецияга 1:3 ҳисобида имкониятни бой берди. Скандинавияликлар финалга йўл олишди ва у ерда Польшага қарши майдонга тушишади. Ушбу учрашув сешанба куни, 31 мартда бўлиб ўтади.













