Ukraina terma jamoasi ustozi Sergey Rebrov JCH-2026 yo‘llanmasi uchun kurash yakunlanganidan so‘ng o‘z kelajagi haqida fikr bildirdi.
«Yaqin orada amaldagi shartnomam muddati tugaydi. Keyin nima bo‘lishini vaqt ko‘rsatadi. Hozircha yangi taklif olganim yo‘q. Agar shunday taklif tushsa, albatta ko‘rib chiqaman», — dedi bosh murabbiy matbuot anjumani vaqtida.
Eslatib o‘tamiz, JCH-2026 pley-off bosqichining yarim finalida Ukraina terma jamoasi Shvesiyaga 1:3 hisobida imkoniyatni boy berdi. Skandinaviyaliklar finalga yo‘l olishdi va u yerda Polshaga qarshi maydonga tushishadi. Ushbu uchrashuv seshanba kuni, 31 martda bo‘lib o‘tadi.













