«Манчестер Сити»нинг ҳужумкор ярим ҳимоячиси Райан Шерки Англия Премьер-лигасининг бошқа бир гранд клуби қизиқишлар доирасига тушди. Transfer News Live аккаунти берган маълумотларга кўра, 22 ёшли француз футболчисини ўз сафига қўшиб олишни Лондоннинг «Челси» клуби истамоқда.

Шеркининг трансфер қиймати 65 миллион еврога баҳоланмоқда. Ярим ҳимоячининг «шаҳарликлар» билан амалдаги шартномаси 2030 йилнинг июнь ойи охиригача мўлжалланган.

Райан Англия чемпионатининг жорий мавсумида 25 та учрашувда майдонга тушди. Француз футболчиси ўз ҳисобига 3 та гол ва 8 та голли узатмани ёздириб қўйишга муваффақ бўлди.

Эслатиб ўтамиз, Шерки 2025 йилнинг ёзида «Лион» клубидан «Манчестер Сити» сафига келиб қўшилган эди.