Испания ва Сербия терма жамоалари ўртасида ўртоқлик ўйини бўлиб ўтди. Вильярреал шаҳридаги «Керамика» стадионида ўтган баҳсни португалиялик ҳакам Луиш Годинью бошқарди. Учрашув мезбонларнинг 3:0 ҳисобидаги ишончли ғалабаси билан якунланди.

Учрашувда ҳисобни 16-дақиқада мезбонлар ҳужумчиси Микель Оярсабаль очди. 44-дақиқада у дублни расмийлаштирди. 72-дақиқада эса Виктор Муньос меҳмонлар дарвозасига учинчи голни киритиб, якуний ҳисобни ўрнатди — 3:0.

Испания терма жамоаси 2026 йил ёзида АҚШ, Канада ва Мексикада бўлиб ўтадиган жаҳон чемпионатида иштирок этади. Европа саралаш босқичи якунларига кўра, испанияликлар Е гуруҳида 16 очко билан биринчи ўринни эгаллади. Сербия эса К гуруҳида 13 очко билан учинчи ўринни банд этиб, мусобақадаги иштирокини якунлади.

Ўртоқлик учрашуви
27 март 2026 йил, жума.
Испания — Сербия - 3:0
Голлар: 1:0 — Оярсабаль (16), 2:0 — Оярсабаль (44), 3:0 — Муньос (72)