Ispaniya va Serbiya terma jamoalari o‘rtasida o‘rtoqlik o‘yini bo‘lib o‘tdi. Vilyarreal shahridagi «Keramika» stadionida o‘tgan bahsni portugaliyalik hakam Luish Godinyu boshqardi. Uchrashuv mezbonlarning 3:0 hisobidagi ishonchli g‘alabasi bilan yakunlandi.

Uchrashuvda hisobni 16-daqiqada mezbonlar hujumchisi Mikel Oyarsabal ochdi. 44-daqiqada u dublni rasmiylashtirdi. 72-daqiqada esa Viktor Munyos mehmonlar darvozasiga uchinchi golni kiritib, yakuniy hisobni o‘rnatdi — 3:0.

Ispaniya terma jamoasi 2026 yil yozida AQSH, Kanada va Meksikada bo‘lib o‘tadigan jahon chempionatida ishtirok etadi. Yevropa saralash bosqichi yakunlariga ko‘ra, ispaniyaliklar YE guruhida 16 ochko bilan birinchi o‘rinni egalladi. Serbiya esa K guruhida 13 ochko bilan uchinchi o‘rinni band etib, musobaqadagi ishtirokini yakunladi.

O‘rtoqlik uchrashuvi
27 mart 2026 yil, juma.
Ispaniya — Serbiya - 3:0
Gollar: 1:0 — Oyarsabal (16), 2:0 — Oyarsabal (44), 3:0 — Munyos (72)