«Рома» клубига тегишли бўлган ҳимоячи Эван Н’Дика бир йўла Англия Премьер-лигасининг бир нечта жамоалари қизиқишлари доирасига тушди.

Caught Offside журналистларининг маълумотларига кўра, «Ливерпуль», «Манчестер Юнайтед» ва Лондоннинг «Тоттенхэм» клублари футболчини ўз сафига қўшиб олишни истамоқда. Рим клуби агар ҳимоячи учун тахминан 40-45 миллион евро таклиф қилинса, у билан хайрлашишга тайёр.

Жорий мавсумда футболчи римликлар сафида 35 та учрашувда майдонга тушди. Ҳимоячи ўз ҳисобига бешта гол ёздириб қўйишга муваффақ бўлди. Футболчи ва «бўрилар» ўртасидаги амалдаги шартнома 2028 йилнинг ёзига қадар мўлжалланган.