«Roma» klubiga tegishli bo‘lgan himoyachi Evan N’Dika bir yo‘la Angliya Premyer-ligasining bir nechta jamoalari qiziqishlari doirasiga tushdi.

Caught Offside jurnalistlarining ma’lumotlariga ko‘ra, «Liverpul», «Manchester Yunayted» va Londonning «Tottenxem» klublari futbolchini o‘z safiga qo‘shib olishni istamoqda. Rim klubi agar himoyachi uchun taxminan 40-45 million yevro taklif qilinsa, u bilan xayrlashishga tayyor.

Joriy mavsumda futbolchi rimliklar safida 35 ta uchrashuvda maydonga tushdi. Himoyachi o‘z hisobiga beshta gol yozdirib qo‘yishga muvaffaq bo‘ldi. Futbolchi va «bo‘rilar» o‘rtasidagi amaldagi shartnoma 2028 yilning yoziga qadar mo‘ljallangan.