Сенегал ва Перу терма жамоалари ўртасидаги ўртоқлик учрашуви Франциядаги «Стад де Франс» стадионида бўлиб ўтди. Унда Сенегал терма жамоаси футболчилари 2:0 ҳисобида ғалаба қозонди.

Ўйиндаги биринчи голни 41-дақиқада Сенегал ҳужумчиси Николас Жексон урди. 54-дақиқада эса ярим ҳимоячи Исмаила Сарр жамоаси устунлигини ошириб, якуний ҳисобни 2:0 кўринишига келтирди.

Сенегал терма жамоаси 2026 йилги жаҳон чемпионатида иштирок этади. Мусобақа келаси ёзда АҚШ, Канада ва Мексика ҳудудларида бўлиб ўтади. Перу терма жамоаси эса Жанубий Америка саралаш гуруҳида тўққизинчи ўринни эгаллаб, ЖЧ-2026 финал босқичига йўлланма ололмади. Жамоа 18 та ўйинда иштирок этиб, 2 та ғалаба, 6 та дуранг ва 10 та мағлубият қайд этди.

Ўртоқлик учрашуви.
28 март, шанба.
Сенегал — Перу — 2:0
Голлар: Жексон, 41 (1:0), Сарр, 54 (2:0)