Senegal va Peru terma jamoalari o‘rtasidagi o‘rtoqlik uchrashuvi Fransiyadagi «Stad de Frans» stadionida bo‘lib o‘tdi. Unda Senegal terma jamoasi futbolchilari 2:0 hisobida g‘alaba qozondi.

O‘yindagi birinchi golni 41-daqiqada Senegal hujumchisi Nikolas Jekson urdi. 54-daqiqada esa yarim himoyachi Ismaila Sarr jamoasi ustunligini oshirib, yakuniy hisobni 2:0 ko‘rinishiga keltirdi.

Senegal terma jamoasi 2026 yilgi jahon chempionatida ishtirok etadi. Musobaqa kelasi yozda AQSH, Kanada va Meksika hududlarida bo‘lib o‘tadi. Peru terma jamoasi esa Janubiy Amerika saralash guruhida to‘qqizinchi o‘rinni egallab, JCH-2026 final bosqichiga yo‘llanma ololmadi. Jamoa 18 ta o‘yinda ishtirok etib, 2 ta g‘alaba, 6 ta durang va 10 ta mag‘lubiyat qayd etdi.

O‘rtoqlik uchrashuvi.
28 mart, shanba.
Senegal — Peru — 2:0
Gollar: Jekson, 41 (1:0), Sarr, 54 (2:0)