Мадриднинг «Реал» клуби ярим ҳимоячиси Тьяго Питарч Испания терма жамоасида ўйнашга қарор қилди. Бу ҳақда «қизил фурия» бош мураббийи Луис де ла Фуэнте маълум қилди.
«Питарч Испания учун ўйнашни истайди — бу ажойиб янгилик. У 19 ёшгача бўлган терма жамоада тажриба тўплайди, кейин эса вақти келганда асосий жамоага қўшилади. У бизнинг терма жамоани танлаганидан жуда хурсандман», — дея Madrid Xtra де ла Фуэнтенинг сўзларидан иқтибос келтиради.
Тьяго Питарч Испанияда туғилган, бироқ унда Марокаш фуқаролиги ҳам бор. Яқин-орадагина 18 ёшли футболчи ҳали бир қарорга келмаганини тан олган эди. Истиқболли ярим ҳимоячи «Реал»нинг асосий таркибида ҳозиргача еттита ўйин ўтказишга улгурди.
