Мадриднинг «Реал» клуби ҳужумчиси Килиан Мбаппе «қироллик клуби»да ўзига нисбатан қилинаётган танқидларга муносабати ҳақида гапириб берди.
«Реал»да ҳаммани танқид қилишган: Роналдуни ҳам, Ди Стефанони ҳам. Нима учун мен истисно бўлишим кераклигини тушунмайман. Испанлар — жуда эҳтиросли инсонлар. Улар учун «Реал»га мухлислик қилиш худди динга эътиқод қилишдек гап», — дея Мбаппенинг сўзларини TF1 нашрига таяниб El Chiringuito келтирмоқда.
Мбаппе 2024 йил ёзидан бери Испания гранди сафида тўп суриб келмоқда. Жорий мавсумда ҳужумчи барча турнирларда 35 та ўйинда иштирок этиб, ўз ҳисобига 38 та гол ва олтита голли узатмани ёздириб қўйди. Футболчининг клуб билан амалдаги шартномаси 2029 йил ёзигача мўлжалланган. Transfermarkt портали тақдим этган маълумотларга кўра, футболчининг бозор қиймати 200 миллион еврони ташкил этади.
