«Ноттингем Форест» ярим ҳимоячиси Эллиот Андерсон ҳамон «Манчестер Юнайтед»нинг қизиқишлар доирасида бўлиб турибди.

Журналист Самуэль Лакхёрстнинг хабар беришича, «қизил иблислар» 23 ёшли футболчини яқинлашиб келаётган трансфер ойнасида ўз сафларига қўшиб олиш учун барча имкониятларни ишга соладилар. Қайд этилишича, «МЮ» раҳбарияти инглиз хавбекини ўзларининг асосий мақсади деб ҳисобламоқда. «Ўрмончилар» юлдузи учун курашда «Манчестер Сити» билан рақобатлашишга тўғри келади, чунки «шаҳарликлар» ҳам бу борада жиддий қарорга келишган.

Transfermarkt талқинига кўра, Эллиот Андерсоннинг бозор қиймати 60 миллион еврони ташкил этади. Жорий мавсумда футболчи Премьер-лиганинг 31 та учрашувида ўз ҳисобига иккита гол ва иккита голли узатмани ёздириб қўйди.