Игор Тудор «Тоттенхэм» бош мураббийи лавозимида бор-йўғи еттита ўйин ўтказди. Якшанба куни Лондон клуби хорватиялик мутахассис билан меҳнат шартномаси бекор қилинганини эълон қилди.
Журналист Алекс Крукнинг хабар беришича, Тудор «Тоттенхэм»ни шартномани бекор қилганлик учун ҳеч қандай товон пули олмасдан тарк этган.
Тудор тайинланганидан сўнг «Тоттенхэм» ўз ўйинини кучайтира олмади — ушбу мураббий қўл остидаги еттита ўйинда жамоа фақат битта ғалабага эришди, бир марта дуранг ўйнади ва нақ беш бор мағлубиятга учради. Ҳозирда «Тоттенхэм» хавфли зонадан (қуйи лигага тушиб кетиш ҳудудидан) атиги бир очко олдинда бормоқда ва Премьер-лигадан Чемпионшипга тушиб кетиш хавфи остида қолган.
«Тоттенхэм» навбатдаги ўйинини 12 апрель куни «Сандерленд»га қарши ўтказади.
