Igor Tudor «Tottenxem» bosh murabbiyi lavozimida bor-yo‘g‘i yettita o‘yin o‘tkazdi. Yakshanba kuni London klubi xorvatiyalik mutaxassis bilan mehnat shartnomasi bekor qilinganini e’lon qildi.

Jurnalist Aleks Krukning xabar berishicha, Tudor «Tottenxem»ni shartnomani bekor qilganlik uchun hech qanday tovon puli olmasdan tark etgan.

Tudor tayinlanganidan so‘ng «Tottenxem» o‘z o‘yinini kuchaytira olmadi — ushbu murabbiy qo‘l ostidagi yettita o‘yinda jamoa faqat bitta g‘alabaga erishdi, bir marta durang o‘ynadi va naq besh bor mag‘lubiyatga uchradi. Hozirda «Tottenxem» xavfli zonadan (quyi ligaga tushib ketish hududidan) atigi bir ochko oldinda bormoqda va Premyer-ligadan Chempionshipga tushib ketish xavfi ostida qolgan.

«Tottenxem» navbatdagi o‘yinini 12 aprel kuni «Sanderlend»ga qarshi o‘tkazadi.