Испания қироллик футбол федерацияси (RFEF) «Барселона» клубини Ламин Ямал терма жамоанинг март ойидаги ўйинларида ҳаддан ташқари зўриқтирилмаслигига ишонтирди.
Жума куни «блауграна» вингери Сербияга қарши кечган ўртоқлик учрашувида (3:0) 63 дақиқа ҳаракат қилди. Бунгача у йиғин бошида миллий жамоадан алоҳида ажралган ҳолда, велотренажёрда машғулот ўтаган эди.
«Барселона» раҳбарияти вингер Рафиньянинг Бразилия терма жамоаси сафида Францияга қарши (1:2) кечган ўртоқлик ўйинида сонидан жароҳат олиб, 5 ҳафтага сафдан чиққанидан хавотирга тушган.
Шу сабабли, Испания терма жамоаси техник директори Айтор Каранка каталонияликлар спорт директори Декуни Ямалнинг соғлиғини хавф остига қўймасликларига ишонтирди. 31 март куни Мисрга қарши бўлиб ўтадиган баҳсда футболчи тўлиқ ўйнамаслиги кутилмоқда. Бу «Барселона»нинг Ла Лига ва Чемпионлар Лигаси доирасида «Атлетико»га қарши ўтадиган муҳим ўйинлари олдидан футболчининг кучини асраб қолиш учун қилинмоқда.
