«Арсенал» вингери Нони Мадуэке жароҳат олди. 24 ёшли футболчи Англия терма жамоасининг Уругвайга қарши кечган ўйинида (1:1 ҳисобидаги дуранг) шикастланган. Футболчи биринчи бўлимнинг ўзидаёқ майдонни тарк этишга мажбур бўлган.
The Athletic нашрининг хабар беришича, Мадуэкенинг жароҳати у қадар жиддий эмас. Эҳтимол, футболчи «Саутгемптон»га қарши бўладиган навбатдаги ўйинни (Англия Кубоги, 4 апрель) ва эҳтимол, «Спортинг»га қарши баҳсни (Чемпионлар лигаси, 7 апрель) ўтказиб юборади.
2025/2026 йилги мавсумда Нони Мадуэке клуб миқёсида 31 та ўйинда майдонга тушиб, ўз ҳисобига еттита гол ва тўртта голли узатмани ёздириб қўйди.
Ҳозирда «Арсенал» Англия Премьер-лигасида пешқадамлик қилмоқда.
