«Arsenal» vingeri Noni Madueke jarohat oldi. 24 yoshli futbolchi Angliya terma jamoasining Urugvayga qarshi kechgan o‘yinida (1:1 hisobidagi durang) shikastlangan. Futbolchi birinchi bo‘limning o‘zidayoq maydonni tark etishga majbur bo‘lgan.

The Athletic nashrining xabar berishicha, Maduekening jarohati u qadar jiddiy emas. Ehtimol, futbolchi «Sautgempton»ga qarshi bo‘ladigan navbatdagi o‘yinni (Angliya Kubogi, 4 aprel) va ehtimol, «Sporting»ga qarshi bahsni (Chempionlar ligasi, 7 aprel) o‘tkazib yuboradi.

2025/2026 yilgi mavsumda Noni Madueke klub miqyosida 31 ta o‘yinda maydonga tushib, o‘z hisobiga yettita gol va to‘rtta golli uzatmani yozdirib qo‘ydi.

Hozirda «Arsenal» Angliya Premyer-ligasida peshqadamlik qilmoqda.