"Арсенал"нинг собиқ ярим ҳимоячиси Андрей Аршавин собиқ жамоаси жорий мавсумда АПЛ чемпионлик титулини қўлга кирита оладими-йўқми, деган саволга ўз фикрини билдирди.
"Ҳа. Очколар орасидаги фарқ аллақачон анча жиддий кўриниш олган. Илгари "Арсенал" ўйин охирларида ютқазиб қўярди, ҳозир эса аксинча — ғалаба қозонмоқда", — дея таъкидлади Аршавин.
АПЛнинг 31-тури якунларига кўра, "Арсенал" 70 очко жамғарган ҳолда турнир жадвалида пешқадамлик қилмоқда. "Манчестер Сити" билан орадаги фарқ 9 очкони ташкил этади, бироқ "канонирлар" битта кўп ўйин ўтказишган.
