"Arsenal"ning sobiq yarim himoyachisi Andrey Arshavin sobiq jamoasi joriy mavsumda APL chempionlik titulini qo‘lga kirita oladimi-yo‘qmi, degan savolga o‘z fikrini bildirdi.

"Ha. Ochkolar orasidagi farq allaqachon ancha jiddiy ko‘rinish olgan. Ilgari "Arsenal" o‘yin oxirlarida yutqazib qo‘yardi, hozir esa aksincha — g‘alaba qozonmoqda", — deya ta’kidladi Arshavin.

APLning 31-turi yakunlariga ko‘ra, "Arsenal" 70 ochko jamg‘argan holda turnir jadvalida peshqadamlik qilmoqda. "Manchester Siti" bilan oradagi farq 9 ochkoni tashkil etadi, biroq "kanonirlar" bitta ko‘p o‘yin o‘tkazishgan.