"Ливерпуль" ҳимоячиси Ибраима Конате фаолиятини Испания чемпионатида давом эттириши мумкин.
Diario AS нашри берган маълумотларга кўра, франциялик футболчи "Реал"га ўтишга қизиқиш билдирмоқда. У Мадрид клубидан келадиган таклифни кутишга тайёр. Конате ҳозиргача "Ливерпуль" билан шартномани узайтириш бўйича келишувга эришгани йўқ. Шунингдек, у Европанинг бир нечта жамоаларидан тушган таклифларни рад этган.
Эслатиб ўтамиз, Ибраима Конате 2021 йилда "РБ Лейпциг"дан "Ливерпуль"га 40 миллион евро эвазига ўтган эди. Унинг "қизиллар" билан амалдаги шартномаси 2026 йил 30 июнгача мўлжалланган.
Жорий мавсумда ҳимоячи инглиз клуби сафида барча мусобақаларда 41 та ўйинда майдонга тушиб, 2 та гол уришга муваффақ бўлди.













