"Ливерпуль" ҳужумчиси Муҳаммад Салоҳ фаолиятини бошқа топ-клубда давом эттириши мумкин. Football Insider нашрининг хабарига кўра, мисрлик футболчига нафақат "ПСЖ", балки Мадриднинг "Реал" клуби ҳам жиддий қизиқиш билдирмоқда.
Ҳар икки жамоа ҳам ҳужумчини шу ёзда эркин агент мақомида ўз сафига қўшиб олиш вариантини кўриб чиқмоқда.
Эслатиб ўтамиз, Муҳаммад Салоҳ 2017 йилда "Рома"дан "Ливерпуль"га 42 миллион евро эвазига ўтган эди. Жорий мавсумда ҳужумчи "қизиллар" сафида барча мусобақаларда 34 та ўйинда майдонга тушиб, 10 та гол урди ва 9 та голли узатмани амалга оширди.
Аввалроқ Салоҳ шартномаси 2027 йилнинг ёзигача мўлжалланганига қарамай, жорий мавсум якунлангач "Ливерпуль"ни тарк этишини эълон қилган эди.
