"Liverpul" hujumchisi Muhammad Saloh faoliyatini boshqa top-klubda davom ettirishi mumkin. Football Insider nashrining xabariga ko‘ra, misrlik futbolchiga nafaqat "PSJ", balki Madridning "Real" klubi ham jiddiy qiziqish bildirmoqda.

Har ikki jamoa ham hujumchini shu yozda erkin agent maqomida o‘z safiga qo‘shib olish variantini ko‘rib chiqmoqda.

Eslatib o‘tamiz, Muhammad Saloh 2017 yilda "Roma"dan "Liverpul"ga 42 million yevro evaziga o‘tgan edi. Joriy mavsumda hujumchi "qizillar" safida barcha musobaqalarda 34 ta o‘yinda maydonga tushib, 10 ta gol urdi va 9 ta golli uzatmani amalga oshirdi.

Avvalroq Saloh shartnomasi 2027 yilning yozigacha mo‘ljallanganiga qaramay, joriy mavsum yakunlangach "Liverpul"ni tark etishini e’lon qilgan edi.