Италия терма жамоаси бош мураббийи Женнаро Гаттузо жамоаси 2026 йилги Жаҳон чемпионатига йўлланма ололмагани учун узр сўради. Эслатиб ўтамиз, итальянлар дунё биринчилигида иштирок этиш ҳуқуқини берувчи «А» йўли плей-офф финал босқичида Босния ва Герцеговинага имкониятни бой беришди (1:1, пенальтилар сериясида — 1:4).
«Италия бўлажак Жаҳон чемпионатига чиқа олмагани учун шахсан ўзим узр сўрайман, бироқ йигитларимиз майдонда борини беришди», — дея Гаттузонинг сўзларини Football Italia нашри келтирмоқда.
Ҳозирги вақтга келиб, италияликлар охирги марта 2014 йилги Жаҳон чемпионатида иштирок этишган. Таъкидлаш жоизки, «Скуадра Адзурра» тўрт карра Жаҳон чемпиони ҳисобланади.
