Лиссабоннинг «Бенфика» клубида тўп сураётган норвегиялик вингер Андреас Шельдеруп Испаниянинг топ-клубларидан бирига ўтиши мумкин. Бу ҳақда Marca газетаси журналистлари хабар бермоқда.
Манба берган маълумотларга кўра, 21 ёшли скандинавиялик футболчининг трансферига Каталониянинг «Барселона» клуби қизиқиш билдирмоқда. «Кўк-анорранглилар» Шельдерупни ҳужумнинг чап қанотини кучайтириш учун номзод сифатида кўриб чиқмоқда.
Португалия томони, агар Андреас учун 20 миллион евро таклиф қилинса, уни сотишга тайёр.
Португалия чемпионатининг жорий мавсумида Шельдеруп 21 та ўйинда майдонга тушди. Ярим ҳимоячи ўз ҳисобига 4 та гол ва 3 та голли узатмани ёздириб қўйган.
